Orkuveitan | Niðurstaða útboðs grænna skuldabréfa
19. jún 2025
Orkuveitan
Útboði á grænum skuldabréfum Orkuveitu Reykjavíkur (Orkuveitunnar) lauk í dag, 19. júní 2025. Gefin voru út skuldabréf í skuldabréfaflokkunum OR031033 GB, OR0280845 GB og OR180255 GB. Samtals bárust tilboð að nafnverði 1.920 m.kr.
OR031033 GB ber fasta 8,30% óverðtryggða vexti og greiðir jafnar afborganir á sex mánaða fresti með lokagjalddaga 3. október 2033. Áður hafa verið gefin út og tekin til viðskipta bréf að nafnverði 8.990 m.kr. í flokknum.
Heildartilboð í flokkinn voru samtals 920 m.kr. að nafnvirði, þar sem ávöxtunarkrafa var á bilinu 8,15% - 8,34%. Tilboðum að fjárhæð 660 m.kr. að nafnvirði var tekið á ávöxtunarkröfunni 8,20%.
OR280845 GB ber fasta verðtryggða vexti og greiðir jafnar greiðslur á sex mánaða fresti með lokagjalddaga 28. ágúst 2045. Flokkurinn ber 3,70% fasta vexti og er uppgreiðanlegur árið 2037. Áður hafa verið gefin út og tekin til viðskipta bréf að nafnverði 8.000 m.kr. í flokknum.
Heildartilboð í flokkinn voru samtals 600 m.kr. að nafnvirði, þar sem ávöxtunarkrafa var á bilinu 3,89% - 4,08%. Tilboðum að fjárhæð 600 m.kr. var tekið á ávöxtunarkröfunni 4,08%.
OR180255 GB ber fasta 2,60% verðtryggða vexti og greiðir jafnar greiðslur á sex mánaða fresti með lokagjalddaga 18. febrúar 2055. Áður hafa verið gefin út og tekin til viðskipta bréf að nafnverði 38.521 m.kr. í flokknum.
Heildartilboð í flokkinn voru samtals 400 m.kr. að nafnvirði, þar sem ávöxtunarkrafa var á bilinu 3,78% - 3,81%. Tilboðum að fjárhæð 400 m.kr. var tekið á ávöxtunarkröfunni 3,81%.
Fossar fjárfestingarbanki hf. hefur umsjón með útgáfu og sölu skuldabréfanna sem og töku þeirra til viðskipta á markaði Nasdaq á Íslandi með sjálfbær skuldabréf.
Nánari upplýsingar:
Snorri Hafsteinn Þorkelsson, framkvæmdastjóri Fjármála Orkuveitunnar, sími: 516 6100, netfang: snorri.hafsteinn.thorkelsson@orkuveitan.is
Matei Manolescu, markaðsviðskiptum Fossa fjárfestingarbanka, sími: 522 4008, netfang: matei.manolescu@fossar.is
