Orkuveitan í lykilhlutverki í grænni umbreytingu á Grundartanga

Orkuveitan og dótturfélögin Orka náttúrunnar og Carbfix verða í lykilhlutverki í þeirri miklu umbreytingu sem framundan er á Grundartanga, þar sem stefnt er að stórauknum umsvifum loftslagsvænnar atvinnustarfsemi. Verkefnið felur í sér nýja varmavirkjun, nýtingu glatvarma, föngun og bindingu kolefnis og uppbyggingu fjölbreyttrar nýsköpunarstarfsemi sem styður við græna framtíð.

Viljayfirlýsing um samstarfið var undirrituð í gær af Jóhanni Páli Jóhannssyni, umhverfis-, orku- og loftslagsráðherra, Orkuveitunni, Elkem Íslandi, Þróunarfélagi Grundartanga og Orku náttúrunnar og Carbfix.